姬蝶-吃喝玩樂

52歲TVB綠葉沒戲拍做餐廳接待，洗碗送餐，自曝日賺三四百
戴耀明

【戴耀明於茶餐廳打工洗碗清潔廁所樣樣做 「冇嘢係唔得嘅」】

現年52歲的TVB綠葉王戴耀明近日被指為「飲食界富二代」張本立打工，於張本立位於黃大仙的茶餐廳做侍應，更被傳媒拍到落單、抹枱、倒垃圾及洗碗的工作情況。戴耀明直認因演員工作不穩定，決定於茶餐廳打工學多樣手藝，更想學習沖咖啡和奶茶，但強調並非轉行。

戴耀明透露在張本立的茶餐廳做侍應已有兩周，最難適應的是面對食客，不少人都以為他正在拍戲，「服侍啲食客，好尷尬。通常啲食客問到我就會笑騎騎，話幫朋友頂住一兩日。」戴耀明現時每日收入大約三至四百元，持續上班估計一個月賺到逾一萬元薪金，平時大多坐港鐵上班，但有時都忍不住住的士。

戴耀明指自己年紀不少，有時要踎在地上洗碗，起身都會感頭暈，加上有不少體力勞動工作，走來走去落單、倒垃圾、送外賣等，對他來說頗為吃力，幸好有時都可以休息。戴耀明雖然不用洗廁所，但有時見到客人沒有沖廁亦會看不過眼，甚至主動幫忙拖地。

事件被廣泛報道後，戴耀明在社交平台發文回應：「人生唔知幾長...乜都試下啦，呢本人生筆記簿，睇你自己想點寫，又唔係偷又唔係搶……最緊要過到自己就可以了，冇嘢係唔得嘅。」

非常欣賞佢做人咁正面亦比到時下年青人的榜樣，做人能屈能伸，住後一定有一番作為，努力加油！前途一片光明！ 一直都好欣賞戴耀明的演技，每個角色都入形入格，尤其是扮演日本軍官講日文，絕對唔係小演員啊，佢好喜歡笑，笑起來好似儍耕耕，但一講到正經事佢好有分寸，用詞好恰當好專重，係一位充滿正能量、善良、孝順嘅乖仔、良朋、好演員