姬蝶-吃喝玩樂

港女成日覺得追男仔好難, 因為咁做好像是在自降身價, 搞到自己好似好cheap, 送上門咁, 好驚蝕底, 於是唯有繼續企喺棵樹隔離等兔仔經過. 但是, 好男人都是"筍盤", 筍盤自然是要和別人爭的. 事實上, 香港有條件結婚既男仕比例越來越少, 女人不想孤獨終老, 學曉如何追男人, 是越來越重要的一門"技能".

追女仔和追男仔, 其實都係一樣: 所有野都係做出嚟, 唔係講出嚟. 果啲下下要表白既人, 基本上就係完全無愛情技巧既人. 呢個社會, 女人單身搵緊另一半, 由二十歲到五十歲都大有人在, 你要令到男仕既目光集中到你身上, 你就要做好幾件事. 首先, 你要告訴對方, 你是一個"女人". 很多女人, 無論外表和性格都很"男人". 如果你想做男人既buddy, 咁當然無問題. 但男人絕對唔會想娶一個buddy返屋企. 人皆外貌協會會員, 長頭髮 (唔扎馬尾), 偏瘦身材, 著多啲裙 (要配合身型, 最好吊帶, 裙不能長過膝頭, 要露少少事業線), 拿手袋 (而非背囊), 無需整容但要整潔, 無需"擴胸"但可以間唔中戴下push up bar吸晴. 化裝不能濃, 更絕不能變成喬裝 (大眼仔果啲一除咗就完全唔同既假野要戒). 還有, 要留意下你既身形比例, 腰短, 或腿短, 就要用衣著去平衡番. 多表現自己既優點, 有胸露胸, 有腰見腰, 有腳露腳 (但要適中, 過份暴露, 只會吸引喜歡外表的搵食男).

還有一樣很重要的事, 不要以為女神外表的女仔就一定無敵. 正所謂, 英雄見慣亦常人. 靚女日對夜對, 都係女仔一個, 都係會"了鼻屎"放屁, 瞓醒果陣都係一隻"咬烏"咁, 十幾廿年之後都係會老, 最後都係會變咗一個阿婆. 單靠外表, 從來都係留唔住一個男人. 然後, 輪到入面. 香港男仕最討厭女人甚麼? 港女性格. 甚麼是港女性格?

批評, 埋怨, 自我中心, 拜金, 講對錯和公平等等. 你想在眾多女仔之中脫穎而出, 首先就要去港女化. 否則, 就算男人肯拿你做女朋友, 也不會拿你當老婆, 就算和你入了教堂, 將來你也很難敵得過進擊的小三. 男人粗枝大葉, 但不蠢. 揀老婆和揀女朋友是兩件事, 好男人二十歲時或會被你的事業線吸引, 但去到三字頭就會明白, 入面比出面緊要 (畢竟, 女人外表貶值速度驚人, 內涵郤是興日俱增), 沒有人會想一世對住一個港女性格既女人. ok, 現在, 你有樣有內涵了, 那麼, 要怎麼讓男人注意你? 答案就是主動出擊. 不是叫你同男人講"我好喜歡你, 可以和我拍拖嗎?", 而是, 製造接觸, 傾談和獨處的機會. 女仔大都很擔心, "做得太多"會令人覺得自己發姣, 驚表白失敗了會無朋友做. 其實, 做得有技巧的話, 根本就不會有這些問題, 其中一種方法就是借題發揮. 你想約他單獨食飯, 可以有很多"藉口", 有公事要請教他是一個理由, 想他幫手買球拍也可以是一個理由, 之後就請他食飯作回禮. 唯一的限制, 是你的想像力. 另一樣就是很多港女都不肖做的, 就是"投其所好", 最好就是你都有的共同興趣. 例如, 大家都十分喜歡影相, 大家都很喜歡跑馬拉松, 這都是一些很好的切入點去增加接觸, 甚至獨處. 甚至乎, 你對他說做了一個愛心飯盒俾自己, 但做多了請他食也可. 如果他願意和你每個星期出來跑一次長跑, 每晚和你花時間在whatsapp談攝影, 和欣賞你的手藝, 你已經成功了一半. 另一半就是, 你懂得做一個女人嗎? 男人天性是甚麼? 打獵, 保護女人和孩子.

那麼, 當你和他一齊, 甚麼也自己一力承擔, 就算是換水換燈膽都一腳踢, 那他還可以做甚麼去證明自己? 你在公司, 可能是個一人之下的女強人, 但和男人一齊, 不妨做一個適當地依賴男人既小女人, 除非, 你打算追求的, 是一個小男人吧! 當然, 知情識趣, 識睇眉頭眼額, 用心聆聽, 不要亂發脾氣, 不要太貼身, 給他一些獨處空間, 這些都是男女相處的基本功. 另外, 識煮一手好菜 (不是叫你日日煮), 的確會增加你的吸引力. 習慣將自己間房打理得井井有條的人, 當他有機會參觀你間房的時間也會令他眼前一亮. 有良好理財習慣的人, 也會令男仕安心不少. 最後的最後 世界上, 暫時是沒有辦法一定會令某個特定的男人喜歡你, 你盡了力, 如他沒有反應, 就放棄吧! 世上的好男人, 還是有不少的.